SKÁLD.IS

Um þessar mundir stendur yfir sýningin Myrkraverk á Kjarvalsstöðum. Þar getur að líta verk nokkurra listamanna sem hafa sótt sér innblástur í hið kynngimagnaða og yfirnáttúrulega. Þarna á meðal eru dúkristur eftir Ástu Sigurðardóttur sem prýddu smásagnasafn hennar Sunnudagskvöld til mánudagsmorguns sem kom út árið 1961 og sömuleíðis þær sem birtust árinu áður í Tannfé handa nýjum heimi eftir Þorstein frá Hamri. Listamennirnir sem eiga verk á sýningunni eru, auk Ástu, Jóhanna Bogadóttir, Sigga Björg Sigurðardóttir, Alfreð Flóki, Kristinn Pétursson og Sigurður Ámundason. Sýningin Myrkraverk stendur til 22. apríl.

Ljóð vikunnar er Hlaðguður eftir Huldu. Ljóðið birtist í ljóðabókinni Við ysta haf sem kom út árið 1926. Í ljóðinu Hlaðguður eru vísanir í Völundarkviðu og alkunn ævintýri og unnið listilega úr þeim. Hlaðguður var valkyrja sem kaus frelsi í stað hjónabands og setur ljóðmælandi sig í spor hennar. Þetta er þó ekkert einfalt og endurspeglar ljóðið vel kunnuglega togstreitu konunnar sem lætur sig dreyma um annað líf en vill þó ekki vanrækja móðurhlutverkið. Á meðan hugurinn reikar situr hún við sauma og vonar að vanlíðan hennar bitni ekki á barninu en að hún fái síðar vængi og þor til að upplifa draumalandið. Frekari upplýsingar um skáldkonuna Huldu má nálgast í Skáldatalinu. Hlaðguður Nú brosi

Hún var notaleg stemningin á opnun sýningar um ævi og störf Guðrúnar frá Lundi. Marín Guðrún Hrafnsdóttir hélt fróðlegt erindi um Guðrúnu, en Marín er langömmubarn rithöfundarins, og síðan var auðvitað boðið upp á kaffi og kleinur. Sýningin Kona á skjön - Sýning um ævi og störf Guðrúnar frá Lundi er í Borgarbókasafni Reykjavíkur - Menningarhúsi Grófinni, Tryggvagötu 15 og stendur til 4. mars. Sýningarhöfundar og hönnuðir eru Marín Guðrún Hrafnsdóttir og Kristín Sigurrós Einarsdóttir. Kristín Sigurrós gat ekki verið á opnuninni í dag en hér má sjá prýðilegt viðtal við hana í tilefni af opnun sýningarinnar á Sauðárkróki síðastliðið sumar:

Á laugardaginn, 20. janúar, opnar sýning um ævi og störf Guðrúnar frá Lundi í Borgarbókasafni Reykjavíkur - Menningarhúsi Grófinni, Tryggvagötu 15. Viðburðurinn hefst kl. 14 og lýkur kl. 16 en sýningin stendur fram til 4. mars. Sýningarhöfundar eru Kristín Sigurrós Einarsdóttir, leiðsögumaður og kennari, og Marín Guðrún Hrafnsdóttir bókmenntafræðingur og langömmubarn Guðrúnar. Titill sýningar er sóttur í lokaverkefni Marínar sem snýst öðrum þræði um að miðla merkum rithöfundaferli Guðrúnar með sýningu sem geymir upplýsingar um ævi hennar og verk á textaspjöldum í bland við persónulega muni. Marín rekur feril Guðrúnar sem hún líkir við öskubuskuævintýri þar sem þessi alþýðukona úr Skagafirði

Fjöruverðlaunin, bókmenntaverðlaun kvenna, voru afhent við hátíðlega athöfn í Höfða 15. janúar 2018. Tilgangur Fjöruverðlaunanna er að stuðla að aukinni kynningu á ritverkum kvenna og hvetja konur í rithöfundastétt til dáða. Verðlaunin hlutu: Í flokki fagurbókmennta: Elín, ýmislegt eftir Kristínu Eiríksdóttur Í flokki barna- og unglingabókmennta: Vertu ósýnilegur, flóttasaga Ishmaels eftir Kristínu Helgu Gunnarsdóttur Í flokki fræðibóka og rita almenns eðlis: Undur Mývatns – um fugla, flugur, fiska og fólk eftir Unni Jökulsdóttur Þetta í tólfta sinn sem Fjöruverðlaunin eru veitt og í fjórða sinn síðan borgarstjóri Reykjavíkur, bókmenntaborgar UNESCO, gerðist verndari verðlaunanna og bauð Da

Að þessu sinni frumbirtir Skáld.is ljóð eftir Þórunni Jörlu Valdimarsdóttur en það mun birtast í ljóðabókinni Villimaður í París sem kemur út um páskaleytið. Þórunn tileinkar ljóðabókina eiginmanni sínum heitnum, Eggerti Þór Bernharðssyni, sem lést í árslok 2014. Ljóðunum fylgja ýmist ljósmyndir eftir Eggert eða teikningar eftir Þórunni. Ljósmyndina af þeim hjónum tók Ásgeir Ebeneser. Þórunn á langan ritferil að baki og hefur sent frá sér skáldsögur, ljóðabækur, ævisögur og sagnfræðirit auk fjölda greina og þátta fyrir bæði útvarp og sjónvarp. Frekari upplýsingar um Þórunni má finna í Skáldatalinu. Pantheon I við gengum þreytt svöng og þyrst að hofi allra goða draghölt eftir dagsrölt og sáum

Gatið er nýjasta bók Yrsu Sigurðardóttur en hún barst með jólabókaflóðinu í flestar verslanir í lok síðasta árs. Yrsa hefur verið kölluð drottning glæpasagnanna og ekki að ósekju því hún er einn söluhæsti höfundur Íslands. Yrsa hefur fengist við glæpasagnaformið allt frá árinu 2005 þegar Þriðja táknið kom út. Það reyndist farsæl frumraun og stendur nú til á vordögum að framleiða sjónvarpsþáttaröð byggða á þessari fyrstu glæpasögu Yrsu. Frá árinu 2005 hefur Yrsa sent frá sér eina glæpasögu á ári og síðastliðin ár hefur hún vermt efstu sæti metsölulistanna. Metsölulistar og vinsældir eru þó ekki sjálfkrafa einhver gæðastimpill á bækur. Því fer fjarri og leikur grunur á að sumt sem þangað hefur

Það fór vel á því að fagna nýju ári með því að hlýða á ljóðalestur í Gröndalshúsi. Upplesturinn stóð frá birtingu til myrkurs, eða frá 10:03 til 17:00. Að þessum viðburði stóðu Kári Túliníus, Kristín Ómarsdóttir, Fía Fender, Fríða Ísberg og Ragnar Helgi Ólafsson. Dagskráin var mjög metnaðarfull en fjöldi skálda stigu á stokk og lásu vel valin ljóð; gömul, ný og jafnvel óbirt. Þegar Skáld.is mætti á staðinn um þrjúleytið lásu sjö flottar skáldkonur ljóð sín: Þarna má sjá í efri röð frá vinstri, Gerði Kristnýju, Lindu Vilhjálmsdóttur, Sigurlín Bjarneyju Gísladóttur og Elínu Eddu Þorsteinsdóttur. Í neðri röð er Guðrún Hannesdóttir, Ásta Fanney Sigurðardóttir, rulla Ástu Fanneyjar sem vakti mikl