SKÁLD.IS

Þórdís Helgadóttir fæddist í Reykjavík árið 1981.

Þórdís er menntuð í heimspeki, ritlist og ritstjórn við Háskóla Íslands, Rutgers háskóla og Háskólann í Bologna. Hún hlaut Fulbright-styrk til doktorsnáms í heimspeki en hefur lengst starfað sem texta- og hugmyndasmiður á auglýsingastofu og við ritstörf af ýmsu tagi.

Þórdís er í rithöfundakollektífinu Svikaskáld sem hefur gerið út nokkur verk saman.

Smásaga Þórdísar Út á milli rimlanna kom út hjá Partus Press 2016.

Fyrirlestrasafnið Veit efnið af andanum?, sem Þórdís ritstýrði ásamt Steinari Erni Atlasyni, kom út hjá Háskólaútgáfunni árið 2009.

Smásagnasafn Þórdísar Keisaramörgæsir kom út árið 2018 og hlaut mjög góða dóma hjá gagnrýnendum, sem og ljóðabók hennar Tanntaka sem kom út 2021 og hlaut tilnefningu til ljóðabókverðlaunanna Maístjörnunnar og Fjöruverðlaunanna, bókmenntaverðlaun kvenna.

Leikrit Þórdísar Þensla var sett á svið í Borgarleikhúsinu 2019 og veturinn 2019-2020 starfaði Þórdís leikskáld Borgarleikhússins.

Sumarið 2022 var Þórdís gestarithöfundur Prag, bókmenntaborgar UNESCO.

Sögur, ljóð, esseyjur og þýðingar eftir Þórdísi hafa birst víða, meðal annars í Tímariti Máls og menningar, Iceland Review, Michigan Quarterly Review MIXTAPE, Starafugli, Skíðblaðni, Són, Stúdentablaðinu, Öldu, Jólabókum Blekfjelagsins, Words Without Borders og víðar.