Unnur Eiríksdóttir
Unnur Kristjana Eiríksdóttir fæddist á Bíldudal, 7. júlí árið 1921.
Unnur var ein af fimmtán dætrum Eiríks Einarssonar bónda, Réttarholti, Reykjavík, og konu hans Sigrúnar Kristjánsdóttur.
Hún ólst frá barnæsku upp hjá föðurbróður sínum Þorsteini Einarssyni, kennara að Höfðabrekku í Mýrdal.
Unnur hóf rithöfundarferil sinn með smásögum og Ijóðum sem birtust í blöðum og tímaritum.
Fyrsta bók hennar, Villibirta, kom út árið 1969, næst kom ljóðabókin Í skjóli háskans 1971 og loks smásagnasafnið Hvítmánuður, 1974.
Unnur þýddi skáldsögur, m.a. eftir Jean-Paul Sartre og Friedrich Durrenmatt og las margar þýðinga sinna í útvarpi.
Unnur lést 7. janúar 1976, 54 ára að aldri. Sambýlismaður hennar síðustu árin var Stefán Hörður Grímsson, skáld.
Ritaskrá
- 1974 Hvítmánuður. Sögur
- 1971 Í skjóli háskans (ljóð)
- 1969 Villibirta (skáldsaga)
Verðlaun og viðurkenningar
- 1974 Listamannalaun
Þýðingar
- 1971 Dómarinn og böðull hans eftir Friedrich Durrenmatt
- 1969 Snilligáfa er dýrmæt eftir Soya
- 1969 Höll í Svíþjóð (leikrit) eftir Francoise Sagan
- 1968 Grunurinn eftir Friedrich Durrenmatt
- 1968 Nummermann eftir Johan Borgen
- 1966 Peningavald eftir H C Branner
- 1966 Teningnum er kastað (Le jeux sont faits) eftir Jean-Paul Sartre
- 1964 Þorpið sem svaf eftir Monique P Ladebat
- 1964 Ævintýri frá Chile