Sigrún Pálsdóttir
Sigrún Pálsdóttir er fædd í Reykjavík 1967 og ólst þar upp.
Sigrún lagði stund á nám í sagnfræði við Háskóla Íslands og síðan í Bretlandi þar sem hún lauk doktorsprófi í hugmyndasögu frá University of Oxford árið 2001.
Að námi loknu stundaði Sigrún rannsóknir og kennslu við Háskóla Íslands en frá árinu 2007 hefur hún verið sjálfstætt starfandi.
Fyrstu bækur Sigrúnar eru fræðirit og bækur byggðar á sagnfræðilegum heimildum en frá því að Sigrún og Friðgeir. Ferðasaga komút (2013) hefur hún snúið sér alfarið að skáldsagnaritun.
Sigrún Pálsdóttir hefur verið ritstjóri Sögu, tímarits Sögufélags, og skrifað fjölda greina sem tengjast sagnfræði.
Bækur Sigrúnar hafa verið tilnefndar til Íslensku bókmenntaverðlaunanna, Fjöruverðlaunanna, Menningarverðlauna DV og Viðkenningar Hagþenkis. Sigrún og Friðgeir. Ferðasaga var valin besta íslenska ævisagan 2013 af bóksölum.
2021 hlaut Sigrún Pálsdóttir Evrópsku bókmenntaverðlaunin fyrir Delluferðina.
Sigrún er gift Braga Ólafssyni. Hún á eina dóttur og býr í Reykjavík.
Ritaskrá
- 2023 MEN. Vorkvöld í Reykjavík
- 2021 Dyngja
- 2019 Delluferðin
- 2016 Kompa
- 2013 Sigrún og Friðgeir: ferðasaga
- 2010 Þóra biskups og raunir íslenskrar embættismannastéttar
- 2005 Landsvirkjun 1965-2005: Fyrirtækið og umhverfi þess
- 2000 Icelandic culture in Victorian thought. British interpretations (ca. 1850-1900) of the history, politics and society of Iceland. (Útgefin doktorsritgerð)
Verðlaun og viðurkenningar
- 2021 Evrópsku bókmenntaverðlaunin fyrir Delluferðina
- 2013 Verðlaun íslenskra bóksala í flokki ævisagna fyrir Sigrún og Friðgeir. Ferðasaga
Tilnefningar
- 2016 Til Fjöruverðlaunanna fyrir Kompu
- 2013 Til Menningarverðlauna DV fyrir Sigrún og Friðgeir. Ferðasaga
- 2013 Til Menningarverðlauna DV fyrir Sigrún og Friðgeir. Ferðasaga
- 2013 Til Viðkenningar Hagþenkis fyrir Sigrún og Friðgeir. Ferðasaga
- 2010 Til Íslensku bókmenntaverðlaunanna fyrir Þóru biskups og raunir íslenskrar embættismannastéttar
- 2010 Til Fjöruverðlaunanna fyrir Þóru biskups og raunir íslenskrar embættismannastéttar
Þýðingar
- 2019 History: a mess (Lytton Smith þýddi á ensku)
Heimasíða
https://sigrun.funksjon.net/
