Elín Edda Þorsteinsdóttir
Elín Edda Þorsteinsdóttir er fædd árið 1995.
Elín Edda lauk stúdentsprófi frá eðlisfræðideild Menntaskólans í Reykjavík og námi í grafískri hönnun frá Listaháskóla Íslands. Þá lauk hún meistaraprófi í ritlist frá Háskóla Íslands 2021.
Elín Edda hefur gefið út myndasögur og ljóðabækur og hannað bókakápur fjölda bóka.
Fyrir handritið að ljóðabókinni Tímasöfnun hlaut hún verðlaun úr Gullpennasjóði Menntaskólans í Reykjavík.
Fyrsta ljóðabók Elínar Eddu, Hamingjan leit við og beit mig kom út í seríu Meðgönguljóða árið 2016. Henni var ritstýrt af Lindu Vilhjálmsdóttur. Þá á Elín Edda ljóð í úrvalsriti Meðgönguljóða sem kom út 2019.
Elín Edda hefur sent frá sér fleiri bækur, myndasögur, ljóð og smásögu í safnritinu Þægindarammagerðin sem kom út 2021.
Elín Edda gerði myndir í bókina Klón: eftirmyndasaga eftir Ingólf Eiríksson.
Ljósmyndin af Elínu Eddu er af heimsíðu hennar.
Ritaskrá
- 2022 Núningur
- 2021 Þægindarammagerðin (ásamt fleiri höfundum)
- 2019 Meðgönguljóð 2012-2018: úrval (ásamt fleiri höfundum)
- 2019 Gombri lifir
- 2018 Glingurfugl
- 2016 Hamingjan leit við og beit mig
- 2016 Gombri
- 2014 Plantan á ganginum (ásamt Elíasi Rúna)
Verðlaun og viðurkenningar
- Verðlaun úr Gullpennasjóði Menntaskólans í Reykjavík fyrir handritið að ljóðabókinni Tímasöfnun
Þýðingar
- 2019 Gombri (Anne Balanant þýddi á frönsku)
Heimasíða
http://www.elinedda.info/