Þóra Elfa Björnsson
Þóra Elfa Björnsson er fædd 5. júní 1939 foreldrar hennar voru Halldóra B. Björnsson og Karl Leó Guðmundsson Björnsson og er hún einkadóttir þeirra.
Þóra Elfa er menntuð sem setjari og var hún fyrsta konan til að ljúka prófi í þeirri iðngrein árið 1959. Hún starfaði við ýmsar prentsmiðjur eftir að hún lauk námi en starfaði lengst af við kennslu í bókiðngreinum við Iðnskólann í Reykjavík frá árinu 1983. Hún lauk prófi frá Kennaraháskólanum árið 1986.
Þóra Elfa fór ung að fást við skáldskap og þegar hún var unglingur var hún í ritstjórn blaðs sem hét Forspil og kom út af því tvö tölublöð. Það voru „nokkur ungmenni: Ari Jósefsson, Dagur Sigurðar, Atli Heimir og Jóhann Hjálmarsson og fleiri“ sem birtu sögur og ljóð í blaðinu.
Ljóð eftir Þóru Elfu hafa birst í tímaritunum Ljóðormi, Hendingu og Andblæ. Þá hefur hún einnig fengist nokkuð við þýðingar.
2020 kom út ljóðabók eftir Þóru Elfu, Þvílík eru orðabilin.
Heimild: Jakob Viðar Guðmundsson, „Fyrsti kvensetjarinn.“ Prentarinn, 1. tbl., 2000, bls. 20.
Myndin af Þóru Elfu er tekin að vefsíðu skáldaseturs Jóhannesar úr Kötlum, johannes.is
Ritaskrá
- 2020 Þvílík eru orðabilin
- 2007 Frásögn í Borgfirðingabók
- 1995 Draumarnir þínir, draumaráðningabók
- 1992 Frásögn í Söguspegli
- 1987 Draumaráðningabókin
- 1980 Frásögn í Átján konur
Þýðingar
- 1986 Kisusaga eftir Robert Fowler
- 1986 Bangsasaga eftir Robert Fowler
- 1986 Uglusaga eftir Robert Fowler
- 1986 Hundasaga eftir Robert Fowler
- 1985 Benni og vopnasmyglararnir eftir W. E. Johns
- 1983 Benni á norðurslóðum eftir W. E. Johns
- 1982 Benni og stolnu skartgripirnir eftir W. E. Johns
- 1982 Frídagur frú Larsen eftir Martha Christensen
- 1981 Benni og perluþjófarnir eftir W. E. Johns
- 1980 Benni í Ástralíu eftir W. E. Johns